Abschied

(Word and Music: Alfred Aichinger/Inflagranti)

​

Mei freind is moribund
Wann schlagt eam denn die letzte stund
Bin völlig durchn wind
Koa ahnung, was da nu olls kimmt

Die schmerzen san des letzte
Und die liebe is des beste
Was ma so erlebt
Aufm abschiedsweg

Du lehnst di auf
Und gibst di hin
Du gschpiast, des wird nimma werden
Und fragst: wie geht denn des mit´n sterben?

Du bist und bleibst a bsondera
A liaba und a gscheida
A trommler wiera im buch steht
Und a sitzenbleiba

Dei leben, des heat auf -
Weit vor da zeit
Und a bissl späta
Is bei uns a soweit

Geh voraus und loss das
Gut gehen wia da wö
Und bei uns bleibt sowieso
Dei liabe guade sö

​​